काठमाडौं । सिन्धुपाल्चोकको जुगल गाउँपालिका वडा नम्बर २ लिदीमा पहिरो जाँदा १३ वटा घर पुरिएका छन् ।
शुक्रवार बिहान करीब ६ बजे आएको पहिरोले १३ वटा घर पुरिएको हो भने ५ परिवारका सदस्य सम्पर्कबिहीन रहेको जुगल गाउँपालिकाका कर्मचारीले जनाएका छन् ।
उद्धार टोली घटनास्थलमा पुगेको छैन । घटनाबारे विस्तृत विवरण आउनै बाँकी छ ।
यसैगरी कालीकोटको महावै गाउँपालिका वडा नं. ३ नख्खुमा पहिरोले एक घर पुरिँदा ६ जनाको मृत्यु भएको छ ।
गएराति साढे १२ बजेतिर महाबै गाउपालिका ३ नख्खु गाउँमा आएको पहिरोले वडा सदस्य रजबहादुर विष्टको घर पुरेको प्रहरीले जनाएको छ ।
घटनाको विस्तृत विवरण आउनै बाँकी छ ।
