सिन्धुपाल्चोकको मेलम्चीमा पहिरोमा पुरिएर ८ जना बेपत्ता भएका छन् ।
मेलम्ची नगरपालिका वडा नं. ११ मा कभर्ड हल निर्माणमा खटिएका कामदारहरू पहिरोमा पुरिएका हुन् ।
कभर्डहल प्रदेश सरकारको सहयोगमा बन्न लागेको हो ।
गएराति २ बजेतिर गएको पहिरोमा पुरिएका एक जनाको भने जीवितै उद्धार गरिएको जिल्ला प्रहरी कार्यालय सिन्धुपाल्चोकले जनाएको छ ।
नेपाली सेना, प्रहरी र स्थानीय वासिन्दा उद्धारका लागि घटनास्थलमा छन् ।
स्थानीयले दिएको जानकारी अनुसार पहिरोमा एउटा घर पुरिएको छ।
पहिरोमा बेपत्ता भएका ८ जनाकै अवस्था अज्ञात छ ।
प्रतिकात्मक तस्वीर
