पोखरा । कास्कीका ३ ठाउँमा पहिरो जाँदा ६ जनाको ज्यान गएको हो । पोखरा महानगरपालिका वडा नं १८को गोठादीमा टंकबहादुर थापाको घरमा आएको पहिरोमा परी पाँच जनाको ज्यान गएको हो ।
पोखरा-१७ छोरेपाटन स्थित सिमलटुँडामा पहिरोले सन्तबहादुर मगरको घर भत्किँदा उनीसहित उनका छोरा र श्रीमति घाइते भएका छन् । घाइतेहरुको नमस्ते अस्पताल बिरौंटामा उपचार भइरहेको कास्की प्रहरीले जानकारी दिएको छ। हिजो राती परेको अविरल बर्षाका कारण पहिरोले धेरै ठाउँमा क्षति पुर्याएको हो ।
पोखरा-२५ हेमजामा पहिरो जाँदा ७० वर्षीय हिमकली अधिकारीको ज्यान गएको छ । पहिरोले पुरिएर तीन वटा बाख्रा मरेका छन् । थप सात घर जोखिममा छन् । जोखिममा रहेका घरका परिवारलाई राती नै सुरक्षित स्थानमा सारिएको छ ।
