मेष
आजको दिन शुभ रहनेछ। परिवारसँग तीर्थयात्राको योजना बन्न सक्छ। व्यापारिक लगानीबाट राम्रो फाइदा मिल्नेछ। स्वास्थ्य अनुकूल रहेकाले मन प्रसन्न रहनेछ भने शिक्षा क्षेत्रमा गरिएको मिहिनेतको उचित फल प्राप्त हुनेछ। आफन्तजनसँगको भेटघाटले खुसी थप्नेछ।
वृष
ग्रहगोचर अनुकूल रहेकाले धन लाभको योग छ। परिवारमा मेलमिलापको वातावरण बन्नुका साथै प्रेम सम्बन्ध अझ सुमधुर हुनेछ। व्यापार-व्यवसायमा गरिएको मिहिनेतले सफलता दिलाउनेछ। तर, स्वास्थ्यमा केही समस्या आउन सक्ने भएकाले सतर्कता अपनाउनुहोला।
मिथुन
स्वास्थ्य सुधार हुनाले मनमा शान्ति मिल्नेछ। अध्ययन-अध्यापनमा गरिएको प्रयास सफल हुनेछ। पारिवारिक सम्बन्ध प्रगाढ रहनेछ, तर राजनीतिक क्षेत्रमा भने प्राप्त हुन लागेको सेवाको अवसर गुम्न सक्ने जोखिम रहेकाले सजग रहनुहोला।
कर्कट
कार्यक्षेत्रमा कार्यबोझ थपिनेछ। स-साना कुरामा पनि क्रोध बढ्न सक्ने भएकाले बोल्दा संयमित हुनु बुद्धिमानी हुनेछ। शैक्षिक क्षेत्रमा केही ढिलासुस्ती हुनसक्छ। राज्यपक्षबाट मानसिक भय बढ्ने संकेत रहे पनि परिवारको पूर्ण साथ र सहयोग पाइनेछ।
सिंह
दिन लाभदायक छ। दाजुभाइसँगको सहकार्यमा सुरु गरिएको व्यापारले राम्रो प्रतिफल दिनेछ। बोली र व्यवहारमा सन्तुलन मिलाउनु आवश्यक छ। दानपुण्य गरी दिनको सुरुवात गर्दा राम्रो हुनेछ। प्रेम सम्बन्धमा निकटता आउनेछ।
कन्या
यात्रा गर्दा विशेष सावधानी अपनाउनुहोला। हरेक काममा परिवारको पूर्ण सहयोग रहनेछ। राज्यको माथिल्लो निकायबाट सेवाको जिम्मेवारी पाइने सम्भावना छ। आफ्नो श्रमको उचित मूल्यांकन र प्रतिफल मिल्ने योग छ।
तुला
केही महत्त्वपूर्ण निर्णय लिनका लागि आजको दिन उत्तम छ। सकारात्मक कार्यमा अघि बढ्ने हिम्मत जोड्नुहोला। राज्यको तर्फबाट नयाँ अवसर प्राप्त हुनेछ। सरकारी सेवामा हुनुहुन्छ भने पदोन्नतिको योग बनेको छ।
वृश्चिक
अनावश्यक क्षेत्रमा सञ्चित धन खर्च हुनसक्छ। कुनै पनि नयाँ काम सुरु गर्नुअघि परिवारको सल्लाह लिनुहोला। पश्चिम दिशातर्फको लामो यात्रा नगर्नु उत्तम हुनेछ। राज्यपक्षबाट भने अवसर प्राप्त हुनेछ र प्रियजन वा परिवारसँग रमाइलो भेटघाट हुनेछ।
धनु
स्वास्थ्यले साथ दिने भएकाले मन शान्त र प्रफुल्ल रहनेछ। शिक्षा क्षेत्रमा गरिएको प्रयास सफल हुनेछ भने पठनपाठनमा उत्साह बढ्नेछ। प्रतिस्पर्धीहरू शान्त रहने भएकाले रोकिएका कामहरू सहजै सम्पादन हुनेछन्।
मकर
वैदेशिक क्षेत्रतर्फ मन आकर्षित हुनेछ। वैदेशिक रोजगारी वा सो क्षेत्रमा गरिएको लगानीबाट राम्रो प्रगति हुनेछ। परिवारका सदस्यहरूसँग रमाइलो र गुणस्तरीय समय बिताउने अवसर मिल्नेछ।
कुम्भ
विशिष्ट तथा बौद्धिक व्यक्तित्वहरूसँगको भेटघाटले मनमा ऊर्जा र शान्ति मिल्नेछ। शिक्षा र स्वास्थ्यको क्षेत्रबाट शुभ समाचार सुन्न पाइनेछ। प्रेम सम्बन्ध सुमधुर बन्नेछ भने चाडपर्व र उत्सवका कारण मनमा थप उत्साह छाउनेछ।
मीन
सानो कुराले पनि मन भारी हुन सक्नेछ। कुनै पनि निर्णय लिँदा एकलभन्दा साथीभाइको सल्लाह र सहकार्यमा गर्नु लाभदायक हुनेछ। साढेसाती दशाको प्रभावका कारण आफ्ना कुराहरूको आलोचना हुन सक्ने भएकाले संयम अपनाउनुहोला।
