एजेन्सी : क्यानाडाका प्रधानमन्त्री जस्टिन ट्रुडो र उनकी श्रीमतीलाई १४ दिने आइसोलेशनमा राखिएको छ ।प्रधानमन्त्री ट्रुडोकी श्रीमती सोफीलाई कोरोना भाइरस (कोभिड–१९) भएको पुष्टि भएपछि दुवै जनालाई १४ दिने निगरानीमा राखिएको बीबीसीले जनाएको छ ।
तर ट्रुडोमा अहिलेसम्म कुनै सङ्क्रमण नदेखिएकाले उनको कोरोना परीक्षण नहुने बताइएको छ । हालसम्म एक सय २७ देशका एक लाख ३४ हजार सात सय दुई जनामा कोरोनाको सङ्क्रमण भएको पाइएको छ ।
सङ्क्रमितमध्ये ७० हजार तीन सय ८१ जना उपचारपछि निको भएका र ५९ हजार तीन सय ४२ जना उपचाररत छन् । कोरोनाका कारण अहिलेसम्म चार हजार ९ सय ७९ जनाको मृत्यु भइसकेको छ ।
