काठमाडौं : नेपाली होटल व्यवसायीलाई खुकुरी प्रहार गर्न खोज्ने ४ जना चिनियाँलाई प्रहरीले पक्राउ गरेको छ ।
काठमाडौंको ठमेल क्षेत्रका नेपाली होटल व्यवसायीलाई खुकुरी प्रहार गर्न खोज्ने ४ जना चिनियाँलाई पक्राउ गरिएको महानगरीय प्रहरी बृत्त दरबारमार्ग स्रोतले जानकारी दिएको छ ।
स्रोतका अनुसार मंगलबार साँझ ठमेलमा होटल सञ्चालन गर्दै आएका चिनियाँहरुले ग्राहक बोलाउने विषयलाई लिएर नेपाली होटल व्यवसायीसँग विवाद गरेका थिए ।
विवादले झगडाको रुप लिएपछि चिनियाँहरुले नेपाली होटल व्यवसायीमाथि खुकुरी प्रहार गर्न खोजेका थिए । स्थानीयहरुले प्रहरीलाई खबर गरेपछि ४ जनालाई पक्राउ गरिएको थियो ।
पक्राउ परेका चारै जना चिनियाँविरुद्ध अभद्र व्यवहारको मुद्दामा अनुसन्धान शुरु गरिएको जनाइएको छ ।
