काठमाडाैं । ललितपुरको पुल्चोकमा रातो मच्छिन्द्रनाथको रथ तान्ने क्रममा झडप हुँदा पक्राउ परेकामध्ये ६ जनामा कोरोना भाइरस संक्रमण पुष्टि भएको छ ।उपत्यकामा कोरोना संक्रमण न्यून गर्न प्रशासनले लागू गरेको निषेधाज्ञा उल्लंघन गर्दै ललितपुरको पुल्चोकमा स्थानीय युवाले रातो मच्छिन्द्रनाथको रथ तान्ने क्रममा प्रहरीसँग झडप भएको थियो।
सोही झडपका क्रममा पक्राउ परेका मध्ये ६ जनालाई कोरोना संक्रमण पुष्टि भएको ललितपुर प्रहरीले जानकारी दिएको छ । पक्राउ परेका ६ जनामा कोरोना भाइरसको संक्रमण देखिएको महानगरीय प्रहरी परिसर ललितपुरका प्रवक्ता तथा डीएसपी सन्तोष तामाङले जानकारी दिए ।
उनले भने पक्राउ परेकालाई हाँजीरी जमानीमा छोडेको बताए ।
