कञ्चनपुर : महाकाली नगरपालिका २ मा हात्तीको आक्रमणबाट २ जनाको मृत्यु भएको छ । हात्तीको आक्रमणबाट अन्य ४ जना घाइते भएका छन् ।
स्थानीय ३८ वर्षीया वसन्ती भट्ट र ४५ वर्षकी भुरीदेवी बोहराको मृत्यु भएको जिल्ला प्रहरी कार्यालय कञ्चनपुरले जनाएको छ । त्यस्तै हात्तीको आक्रमणबाट सरिता ओझा, उमादेवी साउद, ललिता बोहरा र सुनिता विष्ट र्घाते भएका छन् ।
घाइतेमध्ये २ जनाको महाकाली अस्पताल र २ जनाको भारतको एक अस्पतालमा उपचार भइरहेको प्रहरीले जनाएको छ ।
हात्तीको आक्रमण गर्दा त्रासका कारण केही व्यक्ति हराइरहेकाले उनीहरुको अहिले खोजी भइरहेको छ । खोजीका लागि नेपाल प्रहरी, सशस्त्र प्रहरी, जनप्रतिनिधि र स्थानीय खटिएका छन् ।
