काठमाडौं । नेपाल प्रहरीको प्रधान कार्यालयमा कार्यरत थप २३ जनामा कोरोना संक्रमण पुष्टि भएको छ । नेपाल प्रहरीका प्रवक्ता निरजबहादुर शाहीले २३ जनामा संक्रमण पुष्टि भएको जानकारी दिए ।
हेडक्वार्टरमा कार्यरत चार जनामा आइतबार कोरोना संक्रमण पुष्टि भएको थियो । उनीहरुको सम्पर्कमा आएकाहरुको परीक्षणका क्रममा थप संक्रमित भेटिएका हुन् । संक्रमित हुनेहरुमा चालक, मेकानिक्स र मेसमा काम गर्नेलगायत छन् ।
उनीहरुलाई उपचारको लागि सशस्त्र प्रहरीको बलम्बु अस्पतालमा पठाइएको छ । यससँगै प्रहरी प्रधान कार्यालयमा थप शतर्कता अपनाइएकाे छ ।
