पुरुषोत्तम लामिछाने
भरतपुर–१ देवघाटमा आज साँझ चलेको हावाहुरीले एकजनाको मृत्यु भएको छ भने चारजना घाइते भएका छन् । जिल्ला प्रहरी कार्यालय चितवनका अनुसार आज साँझ भिषण हावाहुरीको कारण रुख ढलेर लाग्दा गम्भीर घाइते भएका एक जनाको उपचारको क्रममा मृत्यु भएको हो । गम्भीर घाइते भएका भरतपुर १२ बस्ने २९ बर्षिय राम बहादुर बिकको चितवन मेडिकल कलेजमा उपचारको क्रममा मृत्यु भएको प्रहरीले जानकारी दिएको छ ।
घाइते भएका अन्य चार जनाको उपचार भइरहेको छ । घाइते हुनेहरुमा भरतपुर १२ का ३४ बर्षिय सुरेश बिक, सोही स्थानका ३६ बर्षिय दीपक कुमाल, ३१ बर्षिय प्रदीप शर्मा र ट्र्याकटर चालक २६ बर्षिय शम्भु खड्का रहेका छन् ।
भारी वर्षा भएपछि सडक छेउमा रोकिराखेको ना ३ त ३४२३ नम्बरको ट्र्याक्टर मुनी ओत लागि बसिरहेको अवस्थामा सालको रुख ढलेर लाग्दा ५ जना घाइते भएका थिए ।
_20250109132116.jpg)
