धादिङ : धादिङ प्रहरीले फरार बहुविवाह मुद्दाका प्रतिवादीलाई २२ वर्षपछि पक्राउ गरेको छ । जिल्ला अदालत धादिङले बहुविवाह मुद्दामा २०५४ मंसिर २० गते १ महिना १५ दिन कैद र दुई हजार जरिवाना तोकेका साविक नलाङ गा.वि.स ३ हाल सिद्धलेक २ बस्ने ५२ वर्षीय रामबहादुर अर्याललाई प्रहरीले सोमबार पक्राउ गरेको हो ।
जिल्ला प्रहरी कार्यालय धादिङको फरार प्रतिवादी पक्राउ अभियानअन्तर्गत बहुविवाह मुद्दाका फरार प्रतिवादी अर्याललाई पक्राउ गरिएको जिल्ला प्रहरी कार्यालय धादिङका सूचना अधिकारी डिएसपी रुपक खड्काले जानकारी दिए। खड्काका अनुसार अर्याललाई धादिङ जिल्ला अदालतमार्फत कैद भुक्तानको लागि जिल्ला कारागार पठाइएको छ ।
