काठमाडौं। नेकपा (एकीकृत समाजवादी) का अध्यक्ष तथा पूर्व प्रधानमन्त्री माधवकुमार नेपाल सामाजिक सञ्जालमा सक्रिय छन्।
उनी आफ्नो धारणा सञ्जालमार्फत नै सार्वजनिक गर्दछन्। आज भने उनले गिरिजाप्रसाद कोइराला र माओवादी केन्द्रका अध्यक्ष पुष्पकमल दाहालसँगका पूराना तस्विर सार्वजनिक गरेका छन्।
जहाँ उनले लेखेका छन्–‘इतिहास हो तर धेरै पूरानो होइन।‘ एमालेबाट विद्रोह गरेर नयाँ पार्टी बनाएका माधव नेपाल यतिवेला राजनीतिक जीवनकै कठिन मोडमा छन्।
उनले एमालेसँगको विद्रोहको औचित्य पुष्टि गर्न नै हम्मेहम्मे परेको छ। अधिकांश नेता तथा कार्यकर्ता उनको साथ छोडेर मूल घर एमालेमै फर्कन आँतुर रहेका समाचार दिनहुँ आइरहेका छन्।
