प्रधानमन्त्री केपी शर्मा ओलीले नेपालको छुटेको भूमि समेटेर भोलिसम्ममा नयाँ नक्सा सार्वजनिक हुने बताएका छन् । प्रतिनिधिसभा बैठकलाई सम्बोधन गर्दै उनले हिजो मन्त्रिपरिषद्ले नक्सा पारित गरेको भन्दै भोलिसम्ममा नक्सा प्रकाशित हुने बताए । उनले नक्सा प्रकाशित भएसँगै सिंगो देश पनि खुसी हुने बताए । उनले नेपालको नक्सा सार्वजनिक भएको दिन नेपालमा दीपावली हुने बताए ।
उनले लिम्पियाधुरा, लिपुलेक, कालापानीलगायतका भूमि नेपालको रहेको पनि उल्लेख गरे । उनले १८ सालअघि त्यहाँका बासिन्दाले तिरो तिर्दै आएको र सन् १९६२ मा कालापानीमा भारतीय सेना बसेपछि नेपालीलाई त्यो भन्दा पश्चिमको भूभागमा जान रोक लगाएको उनले बताए ।
संविधानको अनुसूची ३ संशोधन गरिने
सरकारले संविधानको अनुसूची ३ संशोधन गर्ने भएको छ । प्रधानमन्त्री केपी शर्मा ओलीले अनुसूची ३ संशोधन गर्ने बताएका हुन् । प्रधानमन्त्री ओलीले संविधानको अनुसूची ३ मा निशान छाप रहेको कारणले संशोधन गर्न थालिएको बताए । उनले संविधानका अन्य विषय पनि संशोधन गर्न परे पनि अहिलेको आवश्यकता संविधान संशोधन गर्ने आवश्यक रहेको बताए ।
हिजो बसेको मन्त्रिपरिषद् बैठकले लिम्पियाधुरा, लिपुलेक, कालापानीलगायत छुटेका भूभाग समेटेर नक्सा पारित गरेको थियो ।
_20250109132116.jpg)
