काठमाण्डौ : नेपाली क्रिकेट टिमका पूर्व कप्तान पारस खड्का महिन्द्रा मोटरका ब्राण्ड एम्बेस्डर बनेका छन् । नेपालका लागि महिन्द्रा एण्ड महिन्द्रको आधिकारिक बिक्रेता अग्नि ग्रुपले पारसलाई बुधबार ब्राण्ड एम्बेस्डरमा नियुक्त गरेको हो ।
पारसलाई मंगलबार नेपाल टेलिकमले पनि ब्राण्ड एम्बेस्डरमा नियुक्त गरेको थियो। ब्राण्ड एम्बेस्डर भए बापत पारसलाई महिन्द्राको एक्सयूभी ३०० गाडी प्रदान गरिएको छ । अलराउण्डर तथा कप्तानका रुपमा नेपाली क्रिकेटमा एक दशकभन्दा बढी समय योगदान गरेका पारसले अग्नि ग्रुपसँग आवद्ध हुनपाउँदा खुशी लागेको बताए ।
यसअघि खेलाडीपारस खड्का नेपाल टेलिकमको ब्राण्ड एम्बेस्डर उनले अग्नि ग्रुपसँग सदैव असल सम्बन्ध रहेको र यो समूहले बिक्री गर्ने मोटरसाइकलको पनि यसअघि पनि आफू ब्राण्ड प्रवर्द्धक रहिसकेको बताए । पारसलाई प्रदान गरिएको महिन्द्राको एक्सयूभी ३०० गाडीको नेपाली बजारमा झण्डै ४० लाख रुपैयाँ मूल्य रहेको छ ।
