काठमाडौं । पेट्रोलियम पदार्थको मूल्य पुन: बढेको छ ।
नेपाल आयल निगमले गएराति १२ बजेबाट लागू हुने गरी पेट्रोलियम पदार्थको मूल्य वृद्धि गरेको हो ।
निगमका प्रवक्ता विनितमणि उपाध्यायकाअनुसार डिजेल, पेट्रोल र मट्टीतेलको मूल्य प्रतिलिटर एक/एक रुपैयाँ बढेको छ ।
भारतीय आयल कर्पोरेसनले अगस्ट १६ मा भारतीय आयल कर्पोरेसनमा पठाएको मूल्य सूचीका आधारमा इन्धनको मूल्य बढेको प्रवक्ता उपाध्यायले जानकारी दिए ।
अब पेट्रोल १०५, डिजेल र मट्टीतेल ९१ रुपैयाँ प्रतिलिटर पुगेको छ ।
हवाई इन्धन र खाना पकाउने ग्यासको मूल्य भने यथावत नै रहेको प्रवक्ता उपाध्यायले बताए ।
