काठमाडौं । समाजवादी पार्टीकी सांसद सरिता गिरीले संविधान संशोधनको मूल उदेश्य नै खारेज हुनेगरी संशोधन प्रस्ताव दर्ता गरेकी छन् । नक्सा परिवर्तनका लागि सरकारले ल्याएको संशोधनमा उक्त व्यवस्था नै हटाउन गिरीले संशोधन दर्ता गरेकी हुन् ।
गिरीले विधेयकको दफा २ खारेज गर्न माग गरेकी छन् । उक्त दफामा संविधानको धारा ९(२) को अनुसूची ३ संशोधन गर्ने सरकारको प्रस्ताव छ ।
गिरीको संशोधन प्रस्ताव उक्त निशान छाप परिवर्तनसम्बन्धी व्यवस्था हटाउन ल्याइएको हो।
