कोरोना भाइरसलाई मध्यनजर गर्दै बुधबारदेखी रसुवागढी नाका १५ दिन बन्द हुने

कोरोना भाइरसलाई मध्यनजर गर्दै बुधबारदेखी रसुवागढी नाका १५ दिन बन्द हुने

रसुवा : रसुवागढी नाका १५ दिनका लागि बन्द गरिने भएको छ । नेपाली तथा चिनियाँ अधिकारीहरूबीच मंगलबार बिहान रसुवागढीमा बसेको बैठकले तीन वटा कारण देखाउँदै बुधबारदेखि नाका बन्द गर्ने निर्णय गरेको हो ।

बैठकले कोरोना भाइरसको संक्रमण रोक्न, केरुङतर्फ जाने सडकमा हिउँ परेको तथा ढुंगाहरू खस्ने भएकाले दुर्घटना हुनसक्ने र ल्होसार पर्वको कारण नाका बन्द गर्न लागेको जानकारी दिएको छ ।

रसुवागढीमा मंगलबार बिहान बसेको बैठकमा नेपाल प्रहरी, चिनियाँ प्रहरी र अध्यागमन कार्यलयका अधिकारी उपस्थित रहेका थिए । बुधबारदेखि नेपाल चीन आगमन प्रस्थान अनुमति पत्र (चाइना पास) लिएका रसुवाका नागरिक पनि केरुङ जान नपाउने रसुवाका प्रहरी नायब उपरीक्षक इन्द्रप्रसाद सुवेदीले बताए । उनका अनुसार चाइना पास भएका व्यक्ति नाका पारीसम्म मात्र जान पाउने ब्यवस्था गरीएको बताएको छ ।