काठमाडौँः प्रधानमन्त्री निवास नजिकै बालुवाटारको जग्गा हडपेको आरोप लागेका शोभाकान्त ढकालको घरमा बम विस्फोट भएको छ । नागार्जुन नर्सरी चोक नजिकै रहेको ढकालको घरमा विस्फोट भएको प्रहरीले जानकारी दिएको छ ।
विस्फोटबाट घरमा सामान्य क्षति पुगेको छ। घटनाबारे थप अनुसन्धान भइरहेको प्रहरीले जनाएको छ । प्रहरीले राज्यद्वारा प्रतिवन्धित नेत्रविक्रम चन्द ‘विप्लव’ समूहले विस्फोट गराएको हुनसक्ने अनुमान गरेको छ ।
बालुवाटारको जग्गा हडपेको आरोप लागेपछि ढकाल चर्चामा छन् । प्रहरीको केन्द्रीय अनुसन्धान व्यूरोले उक्त घटनाको अनुसन्धान गरिरहेको छ ।
