महोत्तरी : महोत्तरीमा इँटा उद्योगमा रहेको पानी जमेको खाल्टोमा डुबेर दुई जना बालकको ज्यान गएको छ ।
औरही नगरपालिका ९ इनर्वामा सञ्चालित डीएमडी इँटा उद्योगमा रहेको पानी जमेको खाल्डोमा डुबेर दुई जना बालकको ज्यान गएको हो । ज्यान गुमाउनेमा रौतहट चन्द्रपुर नगरपालिका २ मा रहेको जुडिबेलाको माझीटोलका विक्रम कुशवार माझीको तीन वर्षीय छोरा तितश कुशवर माझी र त्यही ठाउँका अर्जुन कुशवरका दुई वर्षीय छोरा अनिष कुशवर रहेका छन् ।
साँझको समयमा खेल्ने क्रममा पानीमा डुबेका ती बालकको स्थानीय स्वास्थ्य संस्थामा उपचारको क्रममा ज्यान गएको इलाका प्रहरी कार्यालय गौशालाले जनाएको छ । बालकहरुको शव परीक्षणका लागि जिल्ला अस्पताल जलेश्वर लगिएको प्रहरीले जनाएको छ । विक्रम र अर्जुनका सपरिवार केही महिनादेखि त्यही इँटा उद्योगमा मजदुरको रुपमा का गर्दै आएका थिए ।
