काठमाडौं : ललितपुरको पाटन गावाहलमा शनिबार बिहान शंकास्पद वस्तु फेला परेको छ । टेपले बेरिएको अवस्थामा गावाहलको सडकमा शंकास्पद वस्तु फेला परेको प्रहरीले जनाएको छ । अहिले उक्त शंकास्पद वस्तु भएको क्षेत्रमा प्रहरीले घेरा हालेर सुरक्षित साथ राखेको छ ।
शंकास्पद वस्तु डिस्पोज गर्न नेपाली सेनाको बम डिस्पोजल टोलीलाई खबर गरिएको जिल्ला प्रहरी कार्यालय, ललितपुरका प्रमुख एसएसपी टेकप्रसाद राई जानकारी दिए। शंकास्पद वस्तु भेटिएको क्षेत्रमा प्रहरीले घेरा हालेपछि अहिले सो सडकको सवारी आवागमन पनि प्रभावित भएको बताइएको छ ।
