उदयपुर : उदयपुरमा लागुऔषधसहित तीन जनालाई प्रहरीले पक्राउ गरेको छ। विशेष सुचनाको आधारमा त्रियुगा नगरपालिका वडा नम्बर ११ इमाटोल स्थित स्थानीय लोकबहादुर राईको घरमा गएर उनीहरुलाई लागुऔषधसहित पक्राउ गरेको एसपी वीरबहादुर बुढामगरले जानकारी दिए ।
उनीहरुको साथबाट नाइट्रोजेपाम १८ पिस तथा २५० ग्राम गाँजासहित १९ वर्षीय प्रगत राई, २१ वर्षीय निश्चल चौधरी र १४ वर्षीय राजेन्द्र कार्कीलाई प्रहरीले पक्राउ गरेको हो।पक्राउ परेकामाथि अहिले प्रहरीले गम्भीर अनुसन्धान गरिरहेको प्रहरीले बताएको छ।
