काठमाडौंः रुकुमको चौरजहारीमा ६ जनाको ज्यान लिनेगरी भएको घटनाको छानबिनका लागि प्रतिनिधिसभाले ९ सदस्यीय समिति गठन गरेको छ । यसअघि समिति गठनको घोषणा भए पनि पूर्णता पाएको थिएन । सोमबार संयोजक तथा सदस्य मनोनयन गरिएको हो ।
समिति संयोजकमा नेकपा सांसद देवेन्द्र पौडेल रहेका छन् । यस्तै सदस्यहरुमा एकवाल मियाँ, दुर्गा पौडेल, पार्वतीकुमारी विशुन्के, प्रकाश रसाइली स्नेही, विमला विक, महेश्वरजंग गहतरात अथक, मीन विश्वकर्मा र रामसहायप्रसाद यादव रहेका छन्।
समितिलाई ३० दिनको समय दिइएको छ ।
