काठमाडाैं। पछिल्लो एक घण्टामा लमजुङको रैनामैना वर्षा मापन केन्द्रमा २८.६ मिलिमिटर वर्षा दर्ता भएको छ।
नेपाल मौसम विज्ञान विभागअन्तर्गतको मौसम पूर्वानुमान महाशाखाका अनुसार यो आज बिहान ७:५८ बजेसम्मको मापन हो, जुन अवधिभर देशमै सबैभन्दा बढी वर्षा यही क्षेत्रमा भएको छ।
हाल गण्डकी प्रदेशका केही स्थानहरूका साथै बागमती, लुम्बिनी, कर्णाली र सुदूरपश्चिम प्रदेशका छिटफुट स्थानहरूमा हल्कादेखि मध्यम वर्षा जारी छ। महाशाखाले ती क्षेत्रहरूमा अझै थप वर्षा हुन सक्ने आकलन गर्दै आवश्यक सतर्कता र सावधानी अपनाउन सर्वसाधारणलाई आग्रह गरेको छ।
