काठमाडौं। काठमाडौँको टेकुस्थित एक प्लास्टिक गोदाममा सोमबार साँझ भीषण आगलागी भएको छ। आगलागीको जानकारी पाउनासाथ प्रहरी वृत्त कालिमाटीको टोली र दुई वटा दमकल घटनास्थलमा पुगेर आगो नियन्त्रणमा लिएका हुन्।
आगलागी हुनुको स्पष्ट कारण र गोदाम कसको हो भन्नेबारे अझै खुल्न सकेको छैन। घटनाबाट भएको क्षतिको पूर्ण विवरण आउन बाँकी रहेको र आगलागीको कारणबारे थप अनुसन्धान भइरहेको प्रहरीले जनाएको छ।
