गौरबाट छुटेको बससहित तीन साधन ठोक्किँदा ३३ जना घाइते

रौतहट। रौतहटको गौरबाट छुटेको यात्रु बाहक बससहित तीन सवारी साधन ठोक्किदा ३३ जना घाइते भएका छन्।

चितवनको भरतपुर महानगरपालिका–९ टिकौली जंगलमा एउटा ट्रक र दुईवटा बस आपसमा ठोक्किँएको हो।

भरतपुर महानगरपालिका–९ टिकौली जंगलमा ईट्टा लोड गरेर पार्कीङ्ग गरिराखेको ना ६ ख ८१३ नंम्बरको ट्रकमा गौर बाट काठमाडौंतर्फ आउदै गरेको बा. प्र.०३०० ख ०१२३ नंम्बरको डल्फिन यात्रुबाहक बस ठोक्किएको र सोही बसमा जनकपुरबाट काठमाडौं तर्फ आउदै गरेको बा .प्र.०३०० ख ३९०२ नंम्बरको रुद्राक्ष यात्रुबाहक बस शुक्रबार बिहान करिब पौने २ बजे ठोक्किँएको प्रहरीले जानकारी दिएको छ।

बस सडकमा पल्टिएको र दुर्घटना लगत्तै सशस्त्र प्रहरी बल, नेपाल नं. १७ गण आपटारी चितवनबाट गएको सुरक्षाफौजले घाइतेहरुको तत्काल उद्धार गरेको प्रहरी हो।

घाइतेहरु अहिले चितवन मेडिकल कलेजमा १५ जना, नेशनल सिटि अस्पतालमा १३ जना र भरतपुर अस्पतालमा ५ जनाको भर्ना गराइ उपचार भइरहेको जिल्ला प्रहरी कार्यलय चितवनले जनाएको छ। सडकबाट बसलाई हटाएर सडक एकतर्फी खुलाइएको छ ।

प्रहरीका अनुसार एक जना बसका चालकलाई नियन्त्रणमा लिएको र यस विषयमा थप अनुसन्धान भईरहेको छ।
घाइतेहरुको नामवली

दुर्घटनामा दुई बसका चालकसहित ३३ जना घाइते भरतपुरको नयाँ मेडिकल कलेजमा उपचार भईरहेको र सबैको अवस्था मध्यम रहेको बुझिएको छ।

घाइतेहरुको नामावली यस प्रकार छन्

१. उदयपुर त्रियुगा–१० का सार्थकबाबु क्षेत्री (२०), मध्यम

२. धनुषा जनकपुर–१७ का सदाकत मियाँ (३९), मध्यम

३. धनुषा जनकपुर–१७ का नरेन्द्र शाह (५२), सामान्य

४. रौतहट गौर–५ का मुकेश कुमार केसरी (४१), मध्यम

५. धनुषा जनकपुर–७ का समिर अन्सारी (१७), सामान्य

६. महोत्तरी पिपरा–१ की गीता देवी यादव (५०), सामान्य

७. रौतहट राजदेवी–१ का कृष्ण कुमार साह, मध्यम

८. धनुषा जनकपुर–१ का बसन्त झा (४६), सामान्य

९. धनुषा जनकपुर–४ का मुकेश लाल कर्ण (४९), सामान्य