काठमाडौं। राजधानीको पुतलीसडकस्थित स्टार मलमा रहेको ग्लोबल च्वाइस एजुकेशन कन्सल्टेन्सीमा भीषण आगलागी भएको छ। शुक्रबार साँझ भएकाे आगलागीमा कन्सल्टेन्सीमा भौतिक सामाग्री जलेर नष्ट भएका छन्।
स्टार मलको दोस्रो तलामा रहेको कन्सल्टेन्सीमा आगलागी भएको निकै बेरसम्म स्टार मलका कर्मचारीले गेट नखोल्दा ठूलो भौतिक क्षति भएको कन्सल्टेन्सीले जनाएको छ।
कन्सल्टेन्सीमा संचालक थिरलाल भट्टका अनुसार आगलागीबाट एक करोड भन्दा बढीको क्षति भएको छ। आगलागीबाट सम्पूर्ण सामान जलेर नष्ट भएपछि मात्र मलका कर्मचारी आएर गेट खोलेका थिए।



