काठमाडौं । काठमाडौंको टोखा नगरपालिका–६ धापासीस्थित एक घरमा भीषण आगलागी भएको छ। आगलागीबाट साढे तीन तलाको घर पूरै जलेको प्रहरीले जनाएको छ।
उक्त घर भाइकाजी श्रेष्ठको रहेको प्रहरीले जनाएको छ। प्रहरीका अनुसार साँझ ५ बजेर २३ मिनेटको समयमा घरमा आगलागी भएको हो।
अहिले काठमाडौं, ललितपुर, भक्तपुरको दमकलको सहायतामा नेपाल प्रहरी र स्थानीयको सहयोगमा आगो निभाउने काम भइरहेको प्रहरीले जनाएको छ।
थप विवरण आउन बाँकी छ ।
