काठमाडौं । पछिल्लो २४ घण्टामा देशभर ७९२ जनामा कोरोना संक्रमण पुष्टि भएको छ । देशभर गरिएको ७ हजार ६० पीसीआर परीक्षणबाट ६९१ जनामा र २ हजार ५५९ एन्टिजेन परीक्षणमा १०१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यो सँगै नेपालमा कोरोना संक्रमितको संख्या ८ लाख ३ हजार ५५२ पुगेको छ ।
त्यस्तै सोही समयमा देशभर ९१० जना संक्रमणमुक्त भएका छन् । हालसम्म निको हुनेको संख्या ७ लाख ७७ हजार ७४१ रहेको छ ।
नेपालमा कोरोना संक्रमणबाट आज एकै दिन १४ जनाले ज्यान गुमाएका छन् । योसँगै हालसम्म कोरोनाबाट मृत्यु हुनेको संख्या ११ हजार २५७ पुगेको छ ।
२४ घण्टामा खोप लगाएकाको संख्या ६९ हजार ८२४ रहेको छ ।
