‘चरी जेलैमा’को चर्चा सेलाउन नपाउँदै लोकप्रिय गायिका विष्णु माझीको नयाँ गीत सार्वजनिक भएको छ । उनको ‘दशैँ तिहार आइसक्यो’ बोलको गीत बुधबार सार्वजनिक भएको हो ।
सपना म्युजिक इन्ड्रष्टिज युट्युब च्यानलबाट सार्वजनिक भएको उक्त गीतमा पनि विणुकै श्रीमान् सुन्दरमणि अधिकारीको शब्द र संगीत रहेको छ । विष्णु माझीको लिड भोकल रहेको उक्त गीतमा महिमा आचार्यको कोरस भोकल रहेको छ ।
नजिकिँदै गरेको नेपालीहरुको महान् पर्व दशैँ र तिहारलाई लक्षित गरेर निकालिएको ‘दशैँ तिहार आइसक्यो’ गीतले पनि छोटो समयमा निकै चर्चा कमाएको छ । युट्युबमा सार्वजनिक भएको २२ घण्टामा नै ५ लाखभन्दा बढी पटक हेरिसकिएको छ ।
सुन्दरमणि अधिकारीकै निर्देशन र अभिनयमा तयार भएको गीतमा नायिकाको भूमिकामा प्रिया विष्ट देखिएकी छिन् । सम्भु चालिसेको छायांकन रहेको गीतलाई सुजन शाहीले सम्पादन गरेका हुन् ।
गीतमा दशैँ तिहार आएको झल्को आइसकेको भन्दै परदेशीहरुलाई बोलाइएको छ ।
https://youtu.be/eUm9PXlbNC4
