मुम्बइ । काजल अग्रवाल छिट्टै विवाह बन्धनमा बाँधिदैछिन् ।
उनले आफ्नो आधिकारिक इन्स्टाग्राम अकाउन्टमा विवाहको मिति खुलासा गरेकी छन् ।
काजलले यही अक्टोबरको ३० तारिखका दिन विवाह गर्न लागेको जानकारी गराएकी हुन् ।
उनको विवाह समारोह मुम्बइमा २ दिनको हुनेछ ।
भारतीय मिडियाहरूले जनाएअनुसार काजलले विवाह गर्न लागेका व्यक्तिको नाम गौतम किचलू हो ।
अमर उजालाका अनुसार उनी इन्टरप्रेनर इन्टेरियर डिजाइनर हुन् ।
काजल बलिउड र दक्षिण भारतीय फिल्म इन्स्ट्रीमा निकै रुचाइएकी अभिनेत्री हुन् ।
उनको विवाहको खबरले उनलाई चाहनेवालाहरूलाई निराश बनाएको छ ।
