काठमाडाैं । चर्चित गायक तथा संगीतकार अनिल शाहीको संगीत संयोजनमा 'सुरुवात' बोलको नयाँ गीत सार्वजनिक भएको छ । गीतमा गायिका अस्मिता परियारको स्वरमा रहेको छ । प्रतिमा श्रेष्ठको शब्द रचना रहेको गीतमा शब्दहरुले प्रेमको अभिव्यक्ति प्रकट गरेका छन् ।
क्लासिक वेसको गीतमा संगीत संयोजको चौतर्फी प्रशंशा भैरहेको छ । संगीतकार शाहीले लकडाउनको बेलामा निकै मेहनत गरेर गीतको संगीत संयोजन गरेको बताए । शाही गितारमा नेपालका सुल्तानको रुपमा चिनिन्छन् ।
भिडियोमा अस्मिता आफैले अभिनय पनि गरेकी छिन् । गीतको भिडियोमा अर्जुन तिवारीको छायांकन, सुप्रिम पराजुलीको सम्पादन र शान थापाको निर्देशन छ ।
मन छुने शब्द रचना, स्तरिय संगीत र मेलोडियस स्वरका कारण 'सुरुवात'ले नेपाली संगीत क्षेत्रमा नयाँपनको शुरुवात गरेको छ । थ्री इन्टरटेनमेनको युट्युव च्यानलबाट सर्वजनिक भएको गीतले सकारात्मक प्रतिक्रिया पाइरहेको छ ।
