काठमाडौंः नेपाली कांग्रेसका आठ सांसदहरुले संविधान संशोधन विधेयक संसदमा दर्ता गरेका छन् । पार्टी केन्द्रीय समितिले संसदीय दललाई यसअघि सभापति देउवा प्रधानमन्त्री हुँदा दर्ता भएको प्रस्ताव अघि बढाउन निर्देशन दिएसँग नयाँ प्रस्ताव दर्ता भएको हो । तर, संसदीय दलले कुने निर्णय गरेको छैन । कांग्रेसले संशोधन विधेयक दलको आधिकारिक भए वा नभएको स्पष्ट पारेको छैन ।
संशोधन विधेयक मंगलबार प्रतिनिधिसभा सचिवालयमा दर्ता भएको छ ।
यसअघि मधेश केन्द्रित दुई दलका तर्फबाट पनि विधेयक दर्ता भएको थियो । संशोधनमा भाषा आयोग, राज्उ पुनर्संरचना लगायतका विषयमा संशोधन माग गरिएको छ ।
गैरसरकारी विधेयक संसदमा लैजाने वा नलैजाने भन्ने विषय भने कार्यव्यवस्था परामर्श समितिमा छलफल हुनेछ । उक्त समितिको परामर्शका आधारमा सभामुखले प्रक्रिया निर्धारण गर्नेछन् । विधेयक पारितको बाँकी प्रक्रिया भने अन्य विधेयक सरह नै हुनेछ ।
