काठमाडौं। राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) को नतिजा सोमबार साँझ औपचारिक रूपमा सार्वजनिक गरेको छ। गत चैत १९ गतेदेखि २९ गतेसम्म सञ्चालन भएको परीक्षाको नतिजा बोर्डले विशेष तयारीका साथ सार्वजनिक गरेको हो। परीक्षामा सहभागी विद्यार्थी तथा अभिभावकहरूले आफ्नो नतिजा सहजै पत्ता लगाउन सकून् भनी बोर्डले विभिन्न डिजिटल माध्यमहरूको व्यवस्था गरेको छ।
विद्यार्थीहरूले आफ्नो नतिजा ग्रेडसिटसहित हेर्नका लागि अनलाइन वेबसाइट र मोबाइल एसएमएस दुवै सेवा प्रयोग गर्न सक्नेछन्। नतिजा हेर्ने आधिकारिक र सजिला तरिकाहरू यसप्रकार छन्:
एसएमएस (SMS) र आईभीआर (IVR) बाट हेर्ने तरिका मोबाइलको म्यासेज बक्समा गएर SEE (स्पेस) आफ्नो सिम्बोल नम्बर टाइप गरी निम्न नम्बरहरूमा पठाएर नतिजा थाहा पाउन सकिन्छ:
नेपाल टेलिकम: १६०० मा डायल गरी प्राप्त निर्देशनअनुसार वा एसएमएस पठाएर (SMS/USSD र IVR सेवा)।
जानकी टेक्नोलोजी: ३५००१ मा एसएमएस पठाएर।
एम्बिसन गुरु: ३१०६१ मा एसएमएस पठाएर।
वेबसाइट (Website) बाट हेर्ने तरिका इन्टरनेटको पहुँच हुनेहरूले आफ्नो सिम्बोल नम्बर र जन्म मिति प्रविष्ट गरी निम्न वेबसाइटहरूबाट विस्तृत नतिजा हेर्न सक्नेछन्:
राष्ट्रिय परीक्षा बोर्डका आधिकारिक साइटहरू: www.see.gov.np र www.neb.gov.np
नेपाल टेलिकमको पोर्टल: www.see.ntc.net.np
कान्तिपुर पब्लिकेसन्स: www.ekantipur.com
इडियु सञ्जाल: www.see.edusanjal.com
खल्ती डिजिटल वालेटको एप वा वेबसाइट: https://khalti.com/app
बोर्डले नतिजा सार्वजनिक गरे लगत्तै वेबसाइटहरूमा ट्राफिक चाप बढ्न सक्ने भएकाले धैर्य गर्न वा विभिन्न विकल्पहरू प्रयोग गर्न समेत सुझाव दिएको छ।
