काठमाडौं। नेपाल ‘ए’ ले आसाम क्रिकेटसँगको पाँच दिवसीय टी-ट्वान्टी सिरिज जितेको छ। आज नेपाल ‘ए’ले असामलाई ४४ रनले पराजित गरेसँगै श्रृङ्खला ३-२ले जितेको हो।
खेलिएको ४ सिरिजमा २-२ को बराबरी खेलेका दुवै टिम सिरिज आफ्नो पक्षमा पार्न दवावमा थिए। नेपाल ‘ए’ ले दिएको २०९ रनको लक्ष्य पछ्याएको आसामले २० ओभरमा ९ विकेट गुमाएर १६४ रन मात्र बनाउन सक्यो।
टस जितेर पहिले ब्याटिङ गरेको नेपाल ‘ए’ले २० ओभरमा ६ विकेट गुमाएर २०८ रन बनाउँदै आसामलाई २०९ रनको लक्ष्य प्रस्तुत गरेको थियो।
नेपालका लागि सन्दीप जोराले सर्वाधिक ६४ रन बनाए। ३९ बलमा उनले २ चौका र ५ छक्का प्रहार गरे। शुभ कंसाकारले ४१ तथा इशान पाण्डेले ३२ रन बनाएका थिए।
(1)_20250830084434.jpg)
_20250824114805.png)