काठमाडौं:चलचित्र ‘प्रेमगीत ३’ को शीर्ष गीतको लिरिकल भिडियो सार्वजनिक भइसकेको छ। ‘हर युग होस् प्रेमको गीतको’बोलको शीर्ष गीत सार्वजनिक भएको हो। यस वर्षको प्रतिक्षीत चलचित्र ‘प्रेमगीत ३’ चैत २८ गते प्रदर्शनमा आउने छ ।
गीतको भिडियोमा अभिनेता प्रदीप खड्का र नव–अभिनेत्री क्रिस्टिना गुरुङ फिचर्ड छिन्।प्रताप दास र प्रविशा अधिकारीको स्वर भएको यो गीतमा राजेश कुमार श्रेष्ठको शब्द र एलिश कार्कीको संगीत समावेश छ।
प्रेम कथामा आधारित यस चलचित्रमा प्रदीप ‘प्रेम’ र क्रिस्टिना ‘गीत’को भूमिकामा छिन्। सार्वजनिक गीतले यी दुईको प्रेमभाव बोल्छ। गीतमा बाल कलाकार अनुभव रेग्मी र सम्वृद्धि शाही ठकुरीलाई पनि देख्न सकिन्छ।
चलचित्रलाई छेतेन गुरुङ र सन्तोष सेनले निर्देशन गरेका हुन् जसमा प्रदीप खड्का, क्रिस्टिना गुरुङ, शिव श्रेष्ठ, सुनिल थापा, आदि कलाकारको मुख्य अभिनय रहेको छ।
