काठमाडौं। प्रधानमन्त्री केपी शर्मा ओलीले रुग्ण उद्योगहरू पुनः सञ्चालनका लागि साझेदारीको ढाँचामा ठोस प्रस्ताव ल्याउन निजी क्षेत्रसँग आग्रह गरेका छन्।
सिंहदरबारमा सम्पन्न उद्योग–वाणिज्य प्रवर्द्धन संवाद परिषद् बैठकमा, सरकार निजी क्षेत्रसँग सहकार्य गर्न तयार रहेको बताउँदै प्रधानमन्त्री ओलीले आर्थिक समृद्धिका लागि आवश्यक सहजीकरण गर्न सरकार प्रतिवद्ध रहेको जानकारी गराए ।
भन्सार तथा राजस्व छलीमा कडा कारबाहीको निर्देशन दिँदै उनले आर्थिक विकासका लागि उत्पादन, पूर्वाधार, व्यापार, र निर्यात प्रवर्द्धनलाई प्राथमिकता दिनुपर्ने बताए । बैठकले विभिन्न क्षेत्रका समिति गठन गरी समस्या समाधानका सुझाव दिने निर्णय गरेको छ ।
