काठमाडौं। वोन्डर्स नेपालको प्रबन्ध निर्देशकमा सफल युवा उद्ध्यमी विष्णुहरि पाण्डेय चयन भएका छन्। कम्पनीको शुक्रबार सम्पन्न सातौँ वार्षिक साधारणसभाले पाण्डेयलाई प्रबन्ध निर्देशकमा चयन गरेको हो।
नवनियुक्त प्रबन्ध सञ्चालक पाण्डेयले विदेश मामिला, शिक्षा तथा बैंकिङ क्षेत्रलगायत संस्थाहरूका साथै राष्ट्रिय तथा अन्तर्राष्ट्रिय अनुभव बटुलेका छन्।
उनले वोन्डर्स नेपालमा प्रबन्ध सञ्चालकको जिम्मेवारी बहन गरेपछि स्काईवाक टावरमा ३६० डिग्री भ्यू देखिनेगरी रेस्टुरेन्ट र क्लब निर्माण भइसकेको र अब शीघ्र सञ्चालनमा आउने सिटी बन्जी जम्प, डोम प्रोजेक्टलगायत थप साहसिक गतिविधि विस्तार गरी सेवाको दायरा फराकिलो बनाउँदै लैजाने बताए।
एभरेष्ट, कोलम्बस, प्रिमियर लगायतका कलेजको अध्यक्ष रहेका पाण्डेय इक्यानका पूर्व अध्यक्ष समेत हुन्। शैक्षिक परामर्शको क्षेत्रमा अतुलनीय योगदान गरेका उनको नयाँ बानेश्वरमा रोयल एडुकेशन कन्सल्टेन्सी संचालनमा छ।
