काठमाडौं। चर्चित तथा लोकप्रिय गायक राजनराज शिबाकोटी र टीका सानुको नयाँ गीत ‘फेरि भेट कहिले होला नि’ सार्वजनिक भएको छ।
शनिबार गायिका टीका सानुको यूट्यूव च्यानलबाट सार्वजनिक गरिएको गीतमा गायक शिबाकोटी र टीका सानुको स्वर रहेको छ। यसअघि कुटुमा कुटु, सुर्के थैली, मायालु तिमी कता छौ लगायत दजर्नौं चर्चित गीतमा स्वर, शब्द तथा संगित भरेका शिबाकोटीको टीका सानुसँग दोहोरी गीत सार्वजनिक भएको हो। कर्णप्रिय गीतको शब्द टीका सानुका हुन् भने गीतमा स्बर, शब्द तथा संगीत शिबाकोटीले भरेका छन्।
कुनै कार्यक्रममा इजराइल जाँदा टीका सानुले आफूसँग सहकार्य गर्ने इच्छा रहेको सुनाएपछि उनकै अनुरोधमा गीत तयार भएको शिबाकोटीले सुनाए। नेपाली गीतलाई अन्तर्राष्ट्रिय मञ्जमा पु¥याउन योगदान गरेका शिबाकोटीले नेपाली चलचित्रका कयौं गीतमा स्वर तथा संगीत भरेका छन्। उनले गायको कुटुमा कुटु गीतले कराेडाैँ कराेड भ्यूज पाएको पहिलो नेपाली गीत हो ।
शनिबार सार्वजनिक भएको नयाँ गीत ‘फेरि भेट कहिले होला नि’ माया प्रेमले ओतप्रोत छ। विशेष गरी विद्यालयमा शिक्षक र शिक्षिकाबीच मनका अन्तरकुन्तरमा हुने माया प्रेमलाई सजिव ढंगले गीतले चित्रण गरेको छ। गीतको म्युजिक भिडियोमा गायक शिबाकोटी र गायिका टीका सानुले नै अभियन गरेका छन्।
