काठमाडौं । अभिनेत्री नीता ढुंगाना तथा अभिनेता हरिहर अधिकारीको नयाँ फिल्म ‘ह्रस्व–दीर्घ’ को तेस्रो पोस्टर सार्वजनिक भएको छ । पोस्टरमा बलिउड अभिनेता प्रदीप रावतका साथमा अभिनेत्री विपना थापा देखिएकी छिन् । विपनाले यही फिल्ममार्फत नेपाली फिल्म क्षेत्रमा कमब्याक गरेकी हुन् ।
पोस्टर हेर्दा कुनै दक्षिण भारतीय फिल्मको पोस्टर जस्तो देखिएको छ । फिल्ममा साउथ अभिनेताहरुको राम्रै सहभागिता रहेको छ । दक्षिण भारतका चर्चित हास्य अभिनेता ब्रह्मानन्दमले पनि यस फिल्मा अभिनय गरेका छन् ।
फिल्मको अधिकाँश दृष्य भारतमा नै छांयकन गरिएको छ । आगामी असोज ११ गते रिलिज हुने फिल्म ‘ह्स्व–दीर्घ’ मा निर्देशक चन्द्र पन्तको रहेको छ ।
