काठमाडौं । नेपाली कांग्रेसका नेता अर्जनुनरसिंह केसीले पार्टीका नवनिर्वाचित सभापति शेरबहादुर देउवा के कसरी चुनाव जित्नुभएको भन्नेबारे थाहा भएको तर पत्रकारहरुलाई भने त्यो भन्न नमिल्ने बताएका छन् ।
डा शेखर कोइरालाले आयोजना गरेको धन्यवाद ज्ञापन कार्यक्रममा बोल्दै नेता केसीले देउवाले अवाञ्छित गतिविधि गरेर सभापति जितेको संकेत गरेका छन् ।
उनले भने, ‘हार स्वीकार गर्छाैं, तर देउवाजीले के कसरी सभापति पद जित्नु भयो हामीलाई थाहा छ, पत्रकारहरुलाई भन्न नमिलेर मात्रै हो ।’
लोकतन्त्रमा वाद प्रतिवाद र संवाद हुनु सुन्दरता भएको बताए । पार्टी नेताबाट होइन, नीतिबाट चल्नुपर्ने धारणा व्यक्त गरे ।
उनले नवनिर्वाचित सभापतिलाई आफू प्रधान खासको पार्टी नबनाई नीति प्रधान हुने किसिमको पार्टी बनाउन आग्रह गरे । देउवाको सफलता नै अब नेपाली कांग्रेसको सफलता हुनुपर्ने बताए ।
