कोरोना अपडेटः ८४९ नयाँ संक्रमित थपिँदा १२ जनाको मृत्यु

काठमाडौँ । पछिल्लो २४ घण्टामा देशभर ८४९ जनामा कोरोना भाइरस संक्रमण पुष्टि भएको छ ।

देशभर गरिएको पीसीआर परीक्षणबाट थप ८४९ जनामा संक्रमण पुष्टि भएको स्वास्थ्य मन्त्रालयले जनाएको छ । यो सँगै नेपालमा कोरोना संक्रमितको संख्या  ७ लाख ९९ हजार ६१५ पुगेको छ । 

पछिल्लो २४ घण्टामा थप ८९१ जना संक्रमणमुक्त भएका छन् । हालसम्म निको हुनेको संख्या ७ लाख ७२ हजार २२९ पुगेको छ ।

पछिल्लो २४ घण्टामा नेपालमा कोरोना संक्रमणबाट थप १२ जनाको मृत्यु भएको छ । हालसम्म कोरोनाबाट मृत्यु हुनेको संख्या ११ हजार १९२ पुगेको छ ।

हालसम्म देशभर ४२ लाख ५६ हजार ८०३ नमुनाको पीसीआर परीक्षण भएको छ । क्वारेन्टाइनमा ४६७ जना रहेका छन् भने आइसोलेसनमा रहनेको संख्या १६ हजार १९४ छ ।