चौथो संस्करणको एभरेस्ट प्रिमियर लिग (इपीएल) मा मंगलबार एक खेल हुँदैछ । त्रिवि क्रिकेट मैदानमा मध्यान्न सवा १२ बजे सुरु हुने एक मात्र खेलमा काठमाडौं किङ्स–११ र पोखरा राइनोज भिड्ने छन् ।
सन्दीप लामिछानेको कप्तानीमा रहेको काठमाडौं दोस्रो जित निकाल्ने योजनामा छ । काठमाडौंले पहिलो खेलमा साविक विजेता ललितपुर प्याट्रियट्सलाई ७ विकेटले हराएको थियो।
काठमाडौं र विराटनगर वारिवर्सबीच सोमबारका लागि तय भएकोे खेल भने अघिल्लो दिनको वर्षाले मैदान खेल्न लायक नभएपछि टस समेत नभई स्थगित भएको थियो ।
विनोद भण्डारीको कप्तानीमा रहेको पोखरा पहिलो जितको खोजीमा रहेको छ । पहिलो खेल वर्षाका कारण रद्द भएपछि पोखराले भैरहवा ग्लाडियर्ससँग अंक बाँडेको थियो ।
दुई टोलीबीचको पहिल्ला दुई भेटमा दुबै टोलीले एक एक जित निकालेका छन् । त्यसैले यो खेल रोमान्चक हुने अनुमान लगाउन सकिन्छ ।
