काठमाडौं । गण्डकी प्रदेशकी प्रमुख सीताकुमारी पौडेलले नयाँ सरकार गठनका लागि बहुमतको आधार प्रस्तुत गर्न सांसदहरुलाई आह्वान गरेकी छन् ।
मुख्यमन्त्री पृथ्वी सुव्वा गुरुङले प्रदेश संसद्मा विश्वासको मत प्राप्त गर्न नसकेपछि प्रदेश प्रमुखले संविधानको धारा १६८ को उपधारा ५ बमोजिम सरकार गठनका लागि आह्वान गरेकी छन् ।
यसका लागि उनले जेठ २९ गते सम्मको समय दिएकी छन् । विपक्षी गठबन्धनले कांग्रेस संसदीय दलका नेता कृष्णचन्द्र नेपालीलाई मुख्यमन्त्रीका रुपमा अघि सार्दै बहुमत रहेको दावी गर्ने तयारी गरेका छन् ।
