नयाँ दिल्ली । भारतमा कोरोना संक्रमित हुनेको संख्या ८४ लाख नाघेको छ । पछिल्लो २४ घन्टामा भारतमा ४७ हजार ६ सय ३८ जना नयाँ संक्रमित थपिएका छन् । कोरोना संक्रमित कुल व्यक्तिमध्ये ७७ लाख ६५ हजार संक्रमणमुक्त भएका छन् ।
भारतको केन्द्रीय स्वास्थ्य तथा परिवार कल्याण मन्त्रालयले भारतमा हाल पाँच लाख २० हजार सक्रिय संक्रमित रहेको जनाएको छ । मन्त्रालयका अनुसार विगत २४ घन्टामा भारतमा ६ सय ७० जनाको निधन भएको छ । योसहित भारतमा कोरोना भाइरसको संक्रमणबाट मृत्यु हुनेको संख्या एक लाख २४ हजार नौ सय ८५ पुगेको छ ।
भारतीय स्वास्थ्य अनुसन्धान परिषदले भारतमा ११ करोड ५४ लाखजनाको नमुना परीक्षण गरिएको जनाएको छ ।
