काठमाडौं । सर्वोच्च अदालतका न्यायाधीश पुरूषोत्तम भण्डारीसहित केही कर्मचारीमा कोरोना संक्रमण पुष्टि भएको छ । सर्वोच्च अदालत प्रशासनले एक सूचना जारी गर्दै न्यायाधीश, अधिकृत र कर्मचारीलाई कोरोना देखिएको जनाएको छ। सूचनामा नाम भने उल्लेख गरेको छैन। कति जना कर्मचारीमा कोरोना देखिएको हो भन्ने पनि सूचनामा उल्लेख छैन।
सर्वोच्च अदालत स्रोतले न्यायाधीश भण्डारी र अरू तीन कर्मचारीलाई कोरोना देखिएको बताएको छ। कर्मचारी हरि भट्टराईले पनि आफूलाई कोरोना संक्रमण भएको बताए। संक्रमित न्यायाधीश र कर्मचारी तथा उनीहरूसँग सम्पर्कमा आएका न्यायाधीश र कर्मचारीहरू सबै आफ्नो घरमा आइसोलेसन र क्वारेन्टिन बसेको सर्वोच्चको सूचनामा उल्लेख छ।
सर्वोच्च अदालतलमा आइतबार एकल इजलासमात्र तोकिएको छ। न्यायाधीश मनोज शर्माको एकल इजलासमा ११ मुद्नाको पेशी तोकिएको छ।
_20230723112730.jpg)
