नयाँ दिल्ली । भारतमा कोरोनाको संक्रमण तिब्र गतिमा बढीरहेको छ । भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा कोरोनाबाट ८८६ जनाको मृत्यु भएको छ । योसँगै भारतमा कुल मृत्यु हुनेको संख्या ४१ हजार नाघेको छ । भारतमा अहिलेसम्म मृत्यु हुनेको संख्या ४१ हजार ५८५ पुगेको छ ।
त्यस्तै पछिल्लो २४ घण्टामा ६२ हजार ५३८ जना संक्रमित पुष्टि भएको छ । यो भारतमा अहिलेसम्म एकै दिन संक्रमित भएको सबै भन्दा ठूलो संख्या हो । योसँगै भारतमा अहिलेसम्म कोरोना संक्रमितको संख्या करिब २० लाख नाघेको छ । भारतमा कुल संक्रमित २० लाख २७ हजार ७५ पुगेको छ । यसका साथै भारत धेरै संक्रमित हुने देशको सुचीमा अमेरिका, ब्राजिलपछि तेस्रो स्थानमा रहेको छ ।
त्यस्तै भारतमा अहिलेसम्म १३ लाख ७८ हजार १०६ जना ठिक भएका छन् भने ५ लाख ७ हजार ३८४ कोरोना संक्रमित विरामी उपचारत रहेका छन् । त्यस्तै भारतमा अहिलेसम्म कुल २ करोड २७ लाख २४ हजार १३४ नमुना परिक्षण गरिएको छ ।
