रुसी स्वास्थ्य मन्त्री मिखाइल मुराश्कोले आगामी अक्टोबर महिनामा नागरिकलाई कोरोनाको भ्याक्सिन उपलब्ध हुने गरी काम गरिरहेको बताएका छन् ।
रुसी मीडियाका अनुसार भ्याक्सिनलाई यसै महिना अनुमति मिल्ने अपेक्षा गरिएको छ र पहिलो चरणमा स्वास्थ्यकर्मी तथा शिक्षक/शिक्षिकालाई भ्याक्सिन दिइने छ ।
रुसले तयार पारेको भ्याक्सिनलाई यसै महिना अनुमति मिल्ने सम्भावना रहेको समाचार संस्था रोयटर्सले पनि जनाएको छ ।
यद्यपि तीव्र गतिमा कोरोनाको भ्याक्सिन बनाउने रुसको कोशिशलाई लिएर चिन्ता पनि व्यक्त भइरहेको छ ।
अमेरिकाको संक्रमक रोग विशेषज्ञ डा. एन्थोनी फाउजीले भने– 'अपेक्षा गरौं कि रुस र चीनले कोरोना भ्याक्सिन दिनुअघि सबैखाले परीक्षण सही ढंगले गरेका होऊन् ।'
यस वर्षको अन्त्यसम्ममा अमेरिकासँग पनि सुरक्षित र उपयोगी भ्याक्सिन हुने आशा उनले व्यक्त गरे ।
उनले थपे– 'मलाई लाग्दैन कि आजको दिनमा सुरक्षित भ्याक्सिनका लागि हामीलाई कसैसँग निर्भर रहन परोस् ।'
