नयाँ दिल्ली । भारतमा कोरोना भाइरस थप आक्रमक भएको छ । पछिल्लो २४ घण्टामा २६ हजार ५ सय ६ जनामा कोरोना संक्रमण भएको भारतीय स्वास्थ्य मन्त्रालयले जनाएको छ ।
पछिल्लो २४ घण्टामा भारतमा अहिलेसम्मकै धेरै कोरोना संक्रमित भेटिएका हुन् । योसँगै भारतमा कोरोना संक्रमितको संख्या ७ लाख ९३ हजार ८ सय २ पुगेको छ। २ लाख ७६ हजार ६ सय ८५ जना निको भएका छ।
मन्त्रालयका अनुसार पछिल्लो २४ घण्टामा ४ सय ७५ जना कोरोना संक्रमितको मृत्यु भएको छ। भारतमा अहिलेसम्म २१ हजार ६ सय ४ जना संक्रमितको मृत्यु भएको छ।
