नयाँ दिल्ली । भारतमा एकै दिन झण्डै २५ हजार कोरोना संक्रमित थपिएका छन् । पछिल्लो २४ घण्टामा भारतमा २४ हजार ८७९ कोरोना संक्रमित थपिएका हुन् ।
केन्द्रीय स्वास्थ्य मन्त्रालयले एकै दिनमा कोरोना संक्रमित थप हुने यो संख्या अहिलेसम्मकै उच्च हो। पछिल्लो २४ घण्टामा भारतमा ४८७ जना कोरोना संक्रमितको मृत्यु भएको छ । योसँगै भारतमा मृत्यु हुने कोरोना संक्रमितको संख्या २१ हजार १२९ पुगेको स्वास्थ्य मन्त्रालयले जनाएको छ ।
भारतमा अहिलेसम्म ७ लाख ६७ हजार २९६ जनामा कोरोना भाइरसको संक्रमण देखिएको छ । जसमध्ये ४ लाख ७६ हजार ३७८ संक्रमित निको भइसकेका छन् ।
