कोरोना भाइसबाट छिमेकी मुलक भारतमा मर्नेको संख्या दुई हजार नाघेको छ। आइतबार बिहान यो समाचार तयार पार्दासम्म पूरै भारतभर दुई हजार १ सय १ जनाको ज्यान गएको भारतीय सञ्चारमाध्यमहरुले जनाएका छन् ।
भारतमा ६२ हजार ८ सयभन्दा बढीमा संक्रमण देखिएको छ। महाराष्ट्रमा मात्र ७ सय ७९ जनाको ज्यान गएको छ। त्यस्तै महाराष्ट्रको मुम्बईमा मात्र ४ सय ८९ जनाले कोरोना भाइरसका कारण ज्यान गुमाइसकेका छन् । त्यस्तै गुजरातमा ४ सय ७१ जनाको मृत्यु भएको छ।
भारतमा मे महिनामा मात्र एक हजार ९ जनाको ज्यान गएको छ। भारतमा पछिल्लो २४ घन्टामा एक सय ६ जनाको मृत्यु भएको त्यहाँको केन्द्रीय स्वास्थ्य मन्त्रालयले जनाएको छ । नेपालसँग सीमा जोडिएको उत्तरप्रदेशमा ६६ जनाको निधन भएको छ। त्यस्तै बिहार राज्यमा हालसम्म ५ जनाको निधन भएको छ। पश्चिम बंगालमा भने मृत्यु हुनेको संख्या १ सय ७१ पुगेको छ।
